2017 թվականին ավելի քան 10 հազար քաղաքացիական անձ Է զոհվել կամ վերքեր ստացել Աֆղանստանում: Այդ մասին ասված Է ՄԱԿ-ի Աֆղանստանի աջակցման առաքելության (UNAMA)՝ փետրվարի 15-ին հրապարակված ամենամյա հաշվետվության մեջ:
Կազմակերպության տվյալներով, զինված հակամարտությունների արդյունքում երկրում զոհվել Է 3438 մարդ, եւս 7015-ը վերքեր են ստացել: Զեկույցում նշվում Է, որ զոհված կամ վիրավորված քաղաքացիական անձանց թիվը 2017 թվականին 6 տոկոսով պակաս Է 2016 թվականի ցուցանիշից: Դրա հետ մեկտեղ կազմակերպությունում ուշադրություն են դարձրել մահապարտ-ահաբեկիչների գրոհների եւ ինքնաշեն ռումբերի պայթյունների հետեւանքով բարձր մահացության վրա:
Հաշվետվության համաձայն, քաղաքացիական անձանց երկու երրորդը (65 տոկոսը) «հակակառավարական տարրերի», այդ թվում՝ «Թալիբան» եւ ԻՊ խմբավորումների հարձակումների զոհ Է դարձել: Կառավարական ուժերի գործողությունների հետեւանքով զոհվել կամ վիրավորվել Է քաղաքացիական անձանց 19 տոկոսը, զինյալների եւ կառավարական ուժերի խաչաձեւ կրակի հետեւանքով՝ 11 տոկոս:
Հաշվետվության մեջ նաեւ նշվում Է, որ 2017 թվականին զինված հակամարտությունների հետեւանքով զոհվել Է 359 կին, 865-ը տուժել են, ինչը 5 տոկոսով ավելի Է, քան 2016 թվականին: Զոհված կամ վիրավորված երեխաների թիվը տարվա ընթացքում, ընդհակառակը, նվազել Է 10 տոկոսով. զոհվել Է 867 երեխա, վերքեր Է ստացել եւս 2318 երեխա, հաղորդել Է ՌԻԱ Նովոստին: