Երևանի ավագանու «Երկիր ծիրանի» խմբակցությունն այսօր հաղորդագրություն էր տարածել, որ արգելվել է քաղաքապետարանի բակում խմբակցության ծառայողական մեքենայի կայանումը: Խնդիրը պարզելու նպատակով «Առաջին լրատվական»-ը դիմեց Երևանի քաղաքապետարանի լրատվության վարչության պետ Արթուր Գևորգյանին, ով նշեց, որ Երևանի քաղաքապետարանի բակում սահմանափակ թվով ծառայողական մեքենաներ կարող են կայանել:
«Երևանի քաղաքապետարանի գլխավոր մասնաշենքի ետնամասի տարածքում սահմանափակ քանակով ծառայողական մեքենաներ կարող են կայանել: Բայց նաև նշեմ, որ քաղաքապետարանի բազմաթիվ ծառայությունների, ենթակա կառույցների ծառայողական մեքենաները, աշխատակիցների անձնական մեքենաները, ինչպես նաև Երևանի ավագանու խմբակցությունների ծառայողական, ինչպես նաև ավագանու անդամների անձնական մեքենաները կարող են կայանվել Երևանի քաղաքապետարանի գլխավոր մասնաշենքի դիմաց առկա ավտոկայանատեղում»: