Դեռ երկու շաբաթ էլ չի անցել, ինչ 20-ամյա Քայլի Ջեները մի չքնաղ աղջնակի մայրիկ դարձավ, ում անունը Սթորմի են դրել։ Երեխայի խնամքին զուգահեռ երիտասարդ մայրիկը չի մոռանում նաև իր մասին. օրերս գեղեցկուհուն տեսել են փակ երեկոյի ժամանակ՝ իր ընկերուհու Ջորդան Վուդսի հետ։ Միջոցառումը baby shower էր և կազմակերպել էր այն աղջիկների ընդհանուր ընկերուհին՝ Հիզեր Սանդերը։
Քայլին ազատ ոճի սպորտային հագուստով էր՝ Adidas-ի և դիզայներ Գոշա Ռուբչինսկիի համատեղ սահմանափակ արտադրության։
Սակայն Քայլիի երկրպագուները տարակուսում են, փոխանակ ուրախանան. արդեն երկրորդ անգամն է աղջկա ծնունդից, ինչ գեղեցկուհին դուրս է գալիս, բայց դեռ ոչ մի անգամ նրան չեն տեսել իր 25-ամյա սիրեցյալի՝ Թրեվիս Սքոթի ուղեկցությամբ։ Միգուցե, քանի դեռ երիտասարդ մայրիկը հանգստանում է, նա փոքրիկին է խնամում։