Մոլդովայի խորհրդարանի պատգամավորների թեկնածուները մինչ գրանցվելը պետք է ներկայացնեն անկաշառելիության մասին տեղեկանք։ Այս մասին հայտարարել է Մոլդովայի Դեմոկրատական կուսակցության նախագահ, իշխող կոալիցիայի համակարգող Վլադ Պլախոտնյուկը։
Նրա խոսքով՝ «կառավարությունից պահանջել են մշակել անկաշառելիության տեղեկանք և բարելավել պաշտոնյաների անկաշառելիության ստուգման մեխանիզմը»։ Տեղեկանքում տեղեկություն կպարունակվի գույքի, շահերի բախման, անհամատեղելիության, որոշակի պաշտոններում սահմանված արգելքի վերաբերյալ։
Հետաքրքրական է նաև այն, որ կանայք, ովքեր ցանկանում են զբաղվել քաղաքականությամբ, պետք է միամանդատ շրջաններում հավաքեն ավելի քիչ ստորագրություններ, քան տղամարդիկ՝ խորհրդարան անցնելու համար։
Դեմոկրատները կարծում են, որ այդպիսով տեղի կունենա «քաղաքական դասի թարմացում»։
