Թուրքիայի նախագահ Ռեջեփ Թայիփ Էրդողանը Միլլի մեջլիսի «Արդարություն և զարգացում» կուսակցության խմբակցության հետ հանդիպման ժամանակ կրկին անդրադարձել է ԱՄՆ-ի կողմից Սիրիայում իրականացվող գործողություններին և ԱՄՆ-ին մեղադրել Թուրքիայի դեմ պայքարելու մեջ:
Այս մասին հայտնում է թուրքական Diken պարբերականը:
«Սիրիայում ԱՄՆ ուժերի պայքարն ընդդեմ «Իսլամական պետության» իրականում բեմականացում է, և այն վերածվել է Թուրքիայի դեմ պայքարի»,- ասել է Էրդողանը:
Էրդողանը նաև անդրադարձել է մոտ մեկ շաբաթ առաջ Սիրիայի տարածքում և Իրաքում գործող ԱՄՆ գլխավորած կոալիցիայի զինված ուժերի հրամանատար Փոլ Ֆանքի կատարած հայտարարությանը:
«Այդպիսի բաներ ասում են նրանք, ովքեր ծանոթ չեն օսմանյան ապտակին»,-ասել է Էրդողանը: