Իրանի պատվիրակությունը վիրավորվել է Փհենչխանում Օլիմպիական խաղերի կազմակերպիչներից, քանի որ չի ստացել Samsung Galaxy Note 8 նվեր հեռախոսները։
Սմարթֆոնները նվիրել են բոլոր մասնակիցներին, բացի ԿԺԴՀ–ի և Իրանի մարզիկներից։ Պատճառը միջազգային պատժամիջոցներն են, որ դրված են այդ երկրների վրա։
Թեհրանում նման գործողությունները «էթիկայի նորմերից դուրս» են անվանել և բացատրության համար կանչել են հարավ–կորեական դեսպանին։
Իրանի իշխանությունները հայտարարել են հարավ–կորեական Samsung ընկերության հետ առևտրային հարաբերությունների հնարավոր հետևանքների մասին։ Իրանի ԱԳՆ ղեկավար Ջավաթ Զարիֆը հայտարարել է, որ եթե Սեուլը ներողություն չխնդրի և չփոխի իր որոշումը, Թեհրանն ամբողջովին կհրաժարվի Սամսունգի արտադրանքից։
Դրանից հետո Օլիմպիական միջազգային կոմիտեն որոշել է սմարթֆոններ տրամադրել բոլոր օլիմպիականներին, այդ թվում իրանցիներին և ԿԺԴՀ–ի ներկայացուցիչներին։