Այսօր՝ փետրվարի 9-ին, խոշոր հրդեհ է տեղի ունեցել Երևանում: Ժամը 19:50-ի սահմաններում Արտակարգ իրավիճակների նախարարության փրկարար ծառայության օպերատիվ կառավարման կենտրոն ահազանգ է ստացվել, որ Սարի Թաղի 8-րդ փողոցի նրբանցքի թիվ 3 տան տանիքում հդեհ է բռնկվել:
Shamshyan.com-ի փոխանցմամբ, մինչ հրշեջների ժամանումը, կրակի տարածման դեմ պայքարել են քաղաքացիները, ովքեր վտանգելով իրենց կյանքը՝ կարողացել են կանխել կրակի տարածումը հարևան տներ և արդեն ժամանած հրշեջները քաղաքացիների օգնությամբ մարել են առաջացած հրդեհը:
Դեպքի վայրում են եղել իրավապահներ, մեծ թվով փրկարարներ, ԱԻՆ ՃԿԿ հոգեբանական աջակցության բաժնի հրահանգիչը, աղետների բժշկության կենտրոնի հերթապահ բժիշկը, «Գազպրոմ Արմենիա» ընկերության Երևան Գազ ծառայության աշխատակիցները, Երևանի 1-03 շտաօպգնության բժիշկների հերթապահ խումբը, ինչպես նաև «Հայաստանի էլեկտրացանցեր» ընկերության ներկայացուցիչները:
Ըստ նախնական տեղեկությունների՝ հրդեհի հետևանքով զոհեր և վիրավորներ չկան: Նախնական վարկածով, հրդեհի պատճառը էլեկտրալարերի կարճ միացումն է եղել:
Մանրամասները՝ սկզբնաղբյուր կայքում: