«Քանի որ ժամանակը շատ կարճ էր, մենք հասցրինք ուղղակի լսել իր տեսլականը և մի քանի հարց հնչեցնել, որոնց պատասխանները խմբակցությունն ընդունեց ի գիտություն: Այսինքն՝ դրանից հետո մենք ժամանակ էլ չենք ունեցել քննարկելու, բայց, ըստ էության, քննարկելու բան չունենք: Մեր դիրքորոշումը քվեարկության հետ կապված պարզ է»,- ՀՀԿ առաջադրած նախագահի թեկնածու Արմեն Սարգսյանի հետ հանդիպումից հետո ասաց «Ելք» խմբակցության պատգամավոր Էդմոն Մարուքյանը:
Պատգամավորն անդրադարձավ ԱԺ այսօրվա քվեարկություններին.«Տեղի է ունենում այն, ինչի մասին մենք շատ երկար խոսել ենք: Եվ այս ամենը բերում է նրան, որ մենք ունենալու ենք չփոխզսպված, չհավասարակշռված վարչապետ, գործադիր իշխանություն, որը որևէ բանով կաշկանդված չի լինելու, եթե այս օրենքների ընդունման տենդենցը շարունակվի»,-ասաց նա:
Էդմոն Մարուքյանի կարծիքով՝ սա ժողովրդավարության, մարդու իրավունքների, պետական կառավարման որոշակի թափանցիկության տեսանկյունից ռեգրես է:
