«Հանուն Հայաստան պետության» ճակատի անդամ Պետրոս Մակեյանի կարծիքով՝ Հայաստանի իշխանությունները պետք է համեմատվեն ոչ թե Եվրոպայի, այլ Ադրբեջանի՝ ալիևյան խանության հետ։ «Այնտեղ ալիևյան խանությունն է, այստեղ ղարաբաղյան, բայց իրենք ավելի ազնիվ են՝ Սահմանադրությունը փոխեց ու ասաց՝ ինչքան կամ, այնքան նախագահ կլինեմ։ Մեզ մոտ խուճուճ ինչ-որ բան են անում․ չկա ընտրական համակարգ, չկան կուսակցություններ, էլ ի՞նչ խորհրդարանական համակարգ։ Այն ժամանակ ասում էին՝ իրենց կլանի համար է դա անում, հիմա էլ դա հստակ դարձավ»,- «Առաջին լրատվական»-ի հետ զրույցում ասաց Մակեյանը։
Մեր զրուցակցը նշում է. «Եթե պետք է իր դրածոն լինի, ասենք՝ Տիգրան Սարգսյանը եկավ, Հովիկ Աբրահամյանը, հիմա Կարեն Կարապետյանը՝ ի՞նչ է փոխվել։ Մենք ճակատում այդ հարցը չենք քննարկում։ Մնում եմ այն կարծիքին՝ եթե դրածո պետք է լինի, ավելի լավ է իր դեմքով լինի, ժողովուրդն իրեն ատում է, կշտացել է, թող այդ համբերության բաժակը ավելի լցվի։ Պոռթկումը կլինի թե՛ այդ նշանակման ժամանակ, թե՛ դրանից մի քիչ հետո, ամիսներ հետո, կյանքը ցույց կտա»։
Պետրոս Մակեյանի դիտարկմամբ՝ ստեղծված իրավիճակում անհրաժեշտ է ընդդիմադիր դաշտի միավորում։
Հարցազրույցն ամբողջությամբ՝ տեսանյութում։