Լուրեր
Չինաստանը հետաքրքրված է հայկական շուկայով․Հայաստանի հետ առևտրաշրջանառության ծավալները ավելացել են
  • 22:34
  • 2018-02-08
  • Դիտումներ՝ *

«Չինաստանը հետաքրքրված է հայկական շուկայով և կարծում եմ, որ մենք բազմաթիվ ոլորտներում կարող ենք համագործակցել»,- «Առաջին լրատվական»-ի հետ զրույցում նշեց Հայաստանում Չինաստանի Ժողովրդական Հանրապետության արտակարգ և  լիազոր դեսպան  Թիան Էրլունը։

Վերջինիս խոսքերով՝ հայ-չինական երկկողմ հարաբերությունների զարգացման շրջանակներում դրական դինամիկա կա՝ քաղաքական, տնտեսական, մշակութային, հումանիտար  հարաբերությունները բավականին բարձր մակարդակի վրա են գտնվում, ինչպես նաև առևտրաշրջանառության ծավալների աճ կա։

«Այս տարի Հայաստանի և Չինաստանի միջև առևտրաշրջանառության ծավալը  հասել է ռեկորդային մակարդակի՝ ըստ հայաստանյան վիճակագրության՝ շուրջ 600 միլիոն ԱՄՆ դոլարի, այսինքն Չինաստանը Հայաստանի համար Ռուսաստանից հետո երկրորդ խոշոր առևտրային գործընկերն է հանդիսանում․ կարծում եմ՝ այս փաստը շատ բաների մասին է վկայում, բայց, իհարկե, մենք  չպետք է այսքանով կանգ առնենք և երկու երկրների կառավարությունները՝ Չինաստանի և Հայաստանի պետք է ամեն ջանք ներդնեն, որպեսզի պահպանվի  և հետագայում  ավելի ընդլայնվի փոխգործակցության շրջանակը, գործնական հարաբերությունները»,- ընդգծեց Չինաստանի դեսպանը։

 

Մանրամասները՝ տեսանյութում։    

 

  • Դիտումներ՝ *