Հանրապետության նախագահը փաստացի մեկուսացվում է ներման որոշում կայացնելու իրավունքից: Այս մասին լրագրողների հետ զրույցում ասաց «Ծառուկյան» խմբակցության պատգամավոր Գևորգ Պետրոսյանը՝ մեկնաբանելով Ազգային ժողովում քննարկվող համապատասխան օրենքի նախագիծը:
«Սահմանադրության մեջ նշված է, որ ներում շնորհել-չշնորհելու հարցն է որոշվում նախագահի կողմից, որը չպետք է լինի մեխանիկական, չպետք է այնպես լինի, որ նախագահին բերեն ներում շնորհելու փաստաթուղթ, որ ինքն էլ ստորագրի կամ չստորագրի, հետ վերադարձնի: Ներում շնորհելը պետք է լինի հանրապետության նախագահի ներքին համոզմունքի արդյունքը»,- ասաց պատգամավորը:
Գևորգ Պետրոսյանը նշեց, որ նախագծում չկան նաև ներման հստակ չափորոշիչները: Նրա խոսքով՝ այս մասով նախագիծը վերամշակման անհրաժեշտություն ունի: