Լուրեր
Սերժ Սարգսյանը «պրիզներ» է տալիս. Կարեն Կարապետյանին՝ առաջին փոխվարչապետ, ժողովրդին էլ՝ սիրուն, պուպուշ դեսպան. Նիկոլ Փաշինյան
  • 15:21
  • 2018-02-08
  • Դիտումներ՝ *

«Իրականում մենք ձև ենք անում, թե խոսում ենք ինստիտուտների մասին. մենք խոսում ենք անձերի մասին»,- ԱԺ-ում Անվտանգության խորհրդի կազմավորման և գործունեության մասին օրենքի նախագծի քննարկմանը հայտարարեց «Ելք» խմբակցության ղեկավար Նիկոլ Փաշինյանը. «Էս ի՞նչ առաջին փոխվարչապետի խոսակցություն է»:

Նրա խոսքով՝ հիմա եկել է վարչապետի պաշտոնի փոխանցման պահը. «Ասում են՝ Կարեն ջան, ոնց որ Գալուստ Գրիգորիչը դեմ է, ֆրակցիան, մյուսը-մյուսը, ու ստացվել է իրավիճակ, որ Սերժ Սարգսյանը չորով պետք ա քցի Կարեն Կարապետյանին՝ նրա աչքերի մեջ նայելով: Դրա համար ստեղծվել ա պրիզ՝ առաջին փոխվարչապետ: Հիմա որ Սահմանադրության մասին խոսում ենք, սա Սերժ Սարգսյանի հագով կարած կոստյում է»:

Նրա խոսքով՝ որպեսզի էս հարցը լուծի Սերժ Սարգսյանը, ժողովրդին էլ պետք է «պրիզ» տա, որն էլ Մեծ Բրիտանիայի «պուպուշ, սիրուն» դեսպանն է. «Բայց Սերժ Սարգսյանը մտածում է, թե դեսպանը կարող է լուրջ վերաբերվել իր պաշտոնին, դրա համար ասում ա՝ տղերք, թևերը կտրեք: Եվ ասում են դեսպանին՝ դու միայն ժպտա»:

Մանրամասները՝ տեսանյութում:

  • Դիտումներ՝ *