Լուրեր
Եթե ցավագին ենք ընդունում Նժդեհի հետ կապված ռուսների ասածը՝ եկե՛ք, համապատասխան պատասխան տանք
  • 14:27
  • 2018-02-08
  • Դիտումներ՝ *

Հայաստանի Դեմոկրատական կուսակցության նախագահ Արամ Սարգսյանի խոսքերով՝ Նժդեհի արձանի շուրջ Ռուսաստանում բարձրացված աղմուկը պետք է ադեկվատ պատասխան ստանա Հայաստանի կողմից.

«Ժամանակին ճշգրիտ ներկայացրեք ձեր ճշգրիտ որոշումը։ Իզուր ենք անընդհատ փորձում որևէ մեկին մեղադրել։ Ինչ-որ մեկը քննարկո՞ւմ է, թե ինչո՞ւ է Զատուլինը միշտ հայամետ դիրքորոշումներով հանդես գալիս։

Կարող է Պետրովն ու Իվանովը մի կարծիք ունենան, ռուսներից ուրիշ մեկը, ասենք՝ Տրոֆիմովը՝ այլ»,- ասաց մեր զրուցակիցը։

Արամ Սարգսյանը «հիմարություն» որակեց Ռուսաստանի Դաշնային խորհրդի սոցիալական քաղաքականության կոմիտեի փոխնախագահ, պրոֆեսոր Լյուդմիլա Կոզլովայի՝ «Независимая газета»-ում հրապարակած հոդվածը, որում վերջինս պնդում է, թե Նժդեհին հերոսացնելով` Հայաստանի իշխանությունները նացիզմը կամ ֆաշիզմը դարձրել են պետական քաղաքականության առանցք. «Եթե ցավագին ենք ընդունում ամեն մեկի ասածը՝ եկեք դրան համապատասխան պատասխան տանք։ Հիմա եթե ներսում քննարկենք՝ ինչու այս մեկն այս ինչն արեց՝ անիմաստ է։ Մոսկվայում կան հայկական կառույցներ, Սփյուռքի նախարարություն, արտգործնախարարություն, ունենք դեսպանատուն, սովորական կոնֆերանս եկեք հրավիրենք՝ այդ տիկնոջն էլ կանչենք ու ամեն ինչ բացատրենք»։

Հարցազրույցն ամբողջությամբ՝ մեր տեսանյութում։

  • Դիտումներ՝ *