Փետրվարի 7-ին՝ ժամը 13:50-ի սահմաններում, ՊԲ հարավային ուղղությամբ տեղակայված զորամասերից մեկի պահպանության տեղամասում, հակառակորդի կողմից արձակված կրակոցից մահացու վիրավորում է ստացել ՊԲ զինծառայող, 1998թ. ծնված Հայկ Քալանթարյանը:
Բանակում խաղաղ պայմաններում զոհված ծնողների խոսքով Հայաստանի զինված ուժերը դարձել է մսաղաց, որով ամեն օր անցնում են մեր տղաները։ «ամեն Աստծո օր լսում ենք զինվորի մահվան լուր։ Էս մեկը հակառակորդի կրակոցից է, բայց շատացել են իբր ինքնասպանությունները, դժբախտ պատահարները։ Բայց մենք շատ լավ էլ գիտենք, թե դրանք ոնց են ստացվում։ Ստացվում են այնպես, ինչպես եղավ մեր տղաների դեպքում»,-«Առաջին լրատվական»-ի հետ զրույցում ասաց խաղաղ պայմաններում զոհված Վալերիկ Մուրադյանի մայրը՝ Նանա Մուրադյանը, ով այսօր կրկին բողոքի ակցիա էր իրականացնում կառավարության դիմաց։
Տիկին Մուրադյանի խոսքով քանի դեռ զինված ուժերի ու երկրի ղեկավարը Սերժ Սարգսյանն է, ապա պետք չէ որեւէ առաջընթաց, կամ վիճակի բարելավում ակնկալել։
Առավել մանրամասն՝ տեսանյութում