ԱԺ-ում այսօր՝ փետրվարի 8-ին, հրավիրվել է արտահերթ նիստ, և քննարկվում է Ներման մասին օրենքում փոփոխությունների վերաբերյալ օրինագիծը:
«Ելք» խմբակցության պատգամավոր Էդմոն Մարուքյանը արդարադատության փոխնախարար Սուրեն Քրմոյանից հետաքրքրվեց, թե նախարարությունն արդյո՞ք քննարկել է և ի՞նչ դիրքորոշում ունի, որ հանրապետության նախագահից ըստ էության ներման իրավունքը վերցվում է:
Նրա խոսքով՝ ներման հրամանագրերը պետք է լինեն հրապարակային. «Մենք բազմաթիվ դեպքերում թերթերից ենք իմանում, որ ինչ-որ մեկը ներվել է»:
Ի պատասխան փոխնախարարի դիտարկման, թե վարչապետի կողմից առաջարկություն ներկայացնում են շատ այլ երկրներում, և իրենք հաշվի են առել միջազգային փորձը, Մարուքյանն ասաց. «Բելգիայում, չեմ կարծում, որ խոստանան, թե այսինչ կամ այնինչ դատապարտյալը կներվի, եթե ընտրությունների ժամանակ ձայն տա ՀՀԿ-ին»:
Մարուքյանը տարակուսում է նաև, թե ՍԴ-ն ի՞նչը պետք է ստուգի, եթե նախագահը չի ստորագրում:
Մանրամասները՝ տեսանյութում: