Պուտինի հայտարարած մեծամասշտաբ ատոմային նախագիծը Թուրքիայի հետ չի կայանա։ Թուրքերը հրաժարվել են։
Թուրքական Cengiz-Kolin-Kalyon (CKK) կազմակերպությունների կոնսորցիումը չի մասնակցի Թուրքիայում «Ակկույու» ատոմային էլեկտրակայանի կառուցման նախագծում,– հաղորդում է Anadolu գործակալությունը։
Կոնսորցիումի մեջ մտնող կազմակերպությունները համաձայնության չեն եկել կոմերցիոն հարցերով, – նշվում է հայտարարության մեջ։
2017 թվականի մայիսին Ռուսաստանի նախագահ Վլադիմիր Պուտինը հայտարարել էր, որ ռուսական ներդրումերի ընդհանուր ծավալը ԱԷԿ–ի կառուցման նախագծում կկազմի 22 միլիարդ դոլար։ Անցյալ տարվա հունիսին «Ռոսատոմը» և թուրքական երեք կազմակերպությունների կոնսորցիումը (Cengiz, Kolin և Kalyon) նախնական պայմանագիր էին ստորագրել: Ռուսաստանը և Թուրքիան պայմանավորվել էին ԱԷԿ–ի շինարարության և շահագործման վերաբերյալ 2010 թվականին։ Նախագիծը չորս էներգաբլոկների շինարարություն է ենթադրում ռուսական ռեակտորներով՝ յուրաքանչյուրը 1200 մեգավատտ հզորությամբ։