ԱՄՆ-ի առաջատար արդյունաբերական Dow Jones ինդեքսը երկուշաբթի Նյու Յորքի ֆոնդային բորսայում 1,175 հազար կետով անկում է գրանցել (4,6%), հայտնում է բորսայի կայքը։
Առևտրային օրվա ավարտին ինդեքսը հաստատվել է 24,346 հազար կետի նշագծի վա։
Սա պատմության մեջ Dow Jones-ի առաջին նման խոշոր անկումն է կետերի արտահայտմամբ։ Տոկոսային արտահայտմամբ ինդեքսի առավելագույն անկումը գրանցվել էր 2011 թվականին։
Բացի այդ, անկում է գրանցել նաև ամերիկյան S&P 500 ինդեքսը։ Այն կորցրել է 113,19 կետ (4,1%)։ Այսպիսով՝ Dow Jones-ն ու S&P 500-ը չեղարկել են 2018 թվականի ողջ աճը։
Տնտեսագետները կարծում են, որ ամերիկյան հիմնական ինդեքսների փլուզումը, ըստ ամենայնի, կապված է շուկայի կանոնակարգման, այլ ոչ թե ամերիկյան տնտեսության «պայթած պղպջակի» հետ։ Նշվում է, որ արժեթղթերի շուկայում աճը եղել է չափազանց տևական, ինչը չէր կարող հավերժ շարունակվել։