Կիևի Վճռաբեկ վարչական դատարանը փետրվարի 5-ին հաստատել Է Կիևի շրջանային վարչական դատարանի որոշումը, որը հրաժարվել Է անօրինական ճանաչել «Նոր ուժերի շարժում» կուսակցության առաջնորդ, Վրաստանի նախկին նախագահ Միխեիլ Սահակաշվիլիին լրացուցիչ պաշտպանության կարիք ունեցող անձի կարգավիճակի տրամադրման մերժումը:
Սահակաշվիլիի փաստաբանների կարծիքով՝ նման որոշումն Ուկրաինայի իշխանությանը հիմք Է տալիս իրենց պաշտպանյալին՝ որպես քաղաքացիություն չունեցող անձի, արտահանձնել Ուկրաինայից: Այդ որոշման ընդունումից հետո Սահակաշվիլին իր ֆեյսբուքյան Էջում գրել Է. «Այսպիսով, ես կորցնում եմ Ուկրաինայում գտնվելու կարգավիճակը: Դա (Ուկրաինայի նախագահ Պյոտր Պորոշենկոյի) որոշումն Է, այլ ոչ թե դատարանի»: Ինչպես ավելի վաղ տեղեկացվել Է, 2017 թվականի հուլիսին Պորոշենկոն իր հրամանագրով Սահակաշվիլիին զրկել Է Ուկրաինայի քաղաքացիությունից, հաղորդել Է «Ինտերֆաքս»-ը: