Ամերիկյան Apple կորպորացիան հայտարարել է 2018 ֆինանսական տարվա առաջին եռամսյակի արդյունքներով եկամտի ռեկորդային մակարդակի մասին։ Apple-ի եկամուտը հոկտեմբեր-դեկտեմբեր ամիսներին աճել է 13 տոկոսով՝անցած տարվա նույն ժամանակահատվածի համեմատ և կազմել 88.3 մլրդ դոլար։
«Մենք հուզմունքով հայտնում ենք Apple-ի պատմության մեջ ամենաշահութաբեր եռամսյակի մասին, որը ներառել է նոր iPhone-ի բարձր եկամուտները։ iPhone Х-ը գերազանցել է մեր սպասումներն ու դարձել ամենավաճառվողը նոյեմբերին դրա վաճառքի մեկնարկի պահից»,-հայտարարել է ընկերության գլխավոր տնօրեն Թիմ Կուկը։ Հաշվետու ժամանակահատվածում կորպորացիայի զուտ շահույթը հասել է 28.3 մլրդ դոլարի։
Ավելի վաղ հայտնի էր դարձել, որ կորպորացիայի ֆինանսական արդյունքների աճի հետ կապված Թիմ Կուկի պարգևատրությունը մեծացել է 47 տոկսով՝ հասնելով 12.8 մլն դոլարի։ Ընկերության կապիտալիզացիան առաջին անգամ գերազանցել է 900 մլրդ դոլարը։