Thursday, 28 03 2024
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը
Հայաստանը «դիվերսիֆիկացնում է» քաղաքականությունը, Ռոսատոմը մոդեռնիզացնում է Մեծամորի ԱԷԿ-ը
Գործակալ հիշեցնող Շահրամանյանը
Բաքվի խոշոր «խաղադրույքը»
Կլիմայի փոփոխության բացասական ազդեցությունը նկատելի է գյուղատնտեսության և տնտեսության մի շարք այլ ճյուղերում. փոխնախարար
Ռուսաստանում տեղի ունեցած ահաբեկչության գործով նոր կասկածյալ է հայտնվել
Արմեն Գևորգյանը ԵԽԽՎ դիտորդական առաքելության կազմում կհետևի Հյուսիսային Մակեդոնիայի նախագահական ընտրություններին
Մի համագործակցության խրոնիկա
Հայաստանը չունի ավելի ուժեղ զենք, քան միջազգային իրավունքը. չկրակելը խելամիտ չէ
Սասունցի Դավթի դարաշրջանը չէ. ԱՄՆ-ից ակնկալիքներին զուգահեռ պետք է ամրապնդել պետությունը
Երևանում ծառի ճյուղը թեքվել և ընկել է էլեկտրական լարերի վրա. փրկարարները մասնատել են ծառի ճյուղը
21:40
Ղազախստանի դեսպանատունը խորհուրդ է տվել լքել Օդեսայի և Խարկովի մարզերը
Վիճաբանություն և ծեծկռտուք՝ անչափահասների մասնակցությամբ․ կա վիրավոր
Քանի՞ մարդ է թունավորվել Հայաստանում
«Հայաստանի և Ռուսաստանի հարաբերություններում ստեղծված իրավիճակը լավատեսություն չի ներշնչում»․ Լավրով
Բաքվի անհիմն մեղադրանքն ու խորամանկ խաղը Բրյուսելից առաջ
«Կրոկուսի ահաբեկչության հեղինակներն Ուկրաինայից զգալի գումարներ և կրիպտոարժույթներ են ստացել»․ ՌԴ ՔԿ

Վարչապետի «Մաքուր Հայաստան»-ի կեղտոտ բծերը, կամ նոր հարկատեսակ գյուղացիների համար

Վարչապետ Կարեն Կարապետյանի կողմից կյանքի կոչվող «Մաքուր Հայաստան»-ի նպատակն է քաղաքների, գյուղերի, ճանապարհների մաքրության ապահովումը: «Դա քաղաքացիների, զբոսաշրջիկների և ներդրողների համար մեր երկիրն ավելի գրավիչ և հարմարավետ դարձնելու գլխավոր նախապայմաններից է»,- ասվում է ծրագրի հիմնավորման մեջ: Դրա իրականացման համար մարզերում քննարկումներ կազմակերպվեցին համայնքապետերի հետ, վերջիններիս բացատրելով ծրագրի, հետևաբար և աղբահանության աշխատանքների կարևորությունը: Նույն ընթացքում Տարածքային կառավարման նախարարությունը 5000-ից մինչև 40000 և ավելի բնակչություն ունեցող ավելի քան 40 համայնքներում (հաշվարկներն արվել էին խոշորացվող համայնքների համար) աղբահանության ծախսերի վերլուծություն իրականացրեց՝ պարզելու 1 շնչին ընկնող աղբահանության միջին ծախսը և ինքնածախսածածկման հնարավորությունը: Պարզվեց, որ այդ ծախսը կազմում է միջինը տարեկան 1500 դրամ:

Շեղվելով «Մաքուր Հայաստան»-ից, նշենք, որ վերջին տարիներին աղբահանության առումով հանրապետության գյուղական բնակավայրերում բավականին լուրջ առաջընթաց էր գրանցվել: Եթե մինչև 2010թթ.-երը հանրապետության գյուղական բնակավայրերի բացարձակ մեծամասնությունում աղբահանություն ընդհանրապես չէր իրականացվում, ապա սկսած 2010-ականներից, դարձյալ կառավարության նախաձեռնությամբ, առանց ցուցադրական աղմուկի, գյուղապետարանները բյուջեներում աղբանահության համար գումարներ նախատեսեցին ու գյուղական համայնքներում, տեղական բյուջեների հաշվին աղբահանության լուրջ գործընթաց սկսվեց:

«Մաքուր Հայաստան»-ի դեպքում, վարչապետի հանձնարարականով, 2018թ. հունվարի 1-ից արգելվել է աղբահանության համար համայնքային բյուջեից գումարներ հատկացնել, որոշվել է դա անել բացառապես գյուղում առկա բնակչությունից հավաքվող կանխիկ գումարով: Գյուղապետարանների հետ այդ ուղղությամբ աշխատանքները սկսվել են դեռ 2017թ.-ի երկրորդ կեսերին:

Մարզպետարաններում կազմակերպվել են «լսումներ», որտեղ համայնքապետերին տեղեկացվել է նաև, որ համայնքներից աղբահանությունը պետք է իրականացվի միմիայն «Սանիտեք» ընկերության միջոցով: Դա այն դեպքում, երբ Արարատի մարզի բազմաթիվ համայնքների տարածքներում «գործում են» (չեն փակվել) աղբանոցներ, և մինչ օրս աղբահանություն իրականացվել է համայնքներում եղած մեքենաներով: Այդ ծախսերը, ինչպես ներկայացնում են որոշ գյուղապետարաններից, կրկնակի, անգամ եռակի փոքր են նույն աշխատանքն անելու համար՝ «Սանիտեքի» ներկայացրած պայմանագրերի գումարներից: Հայտնի լսումների ժամանակ որոշ համայնքապետեր փորձել են բացատրել, որ նման «հակասություն» կարող է լինել, բայց վերջիններիս հասկացրել են, որ հարցը քննարկման ենթակա չէ:

Մյուս կողմից, որոշ փոքր գյուղերում կատարած հաշվարկներից ստացվել է, որ 1 շնչի հաշվով աղբահանության տարեկան ծախսը կազմում է ոչ թե 1500, այլ՝ ավելի քան 3000 դրամ (ամիսը միջինը 250 դրամ): Բայց մարզպետարանը դրան համաձայն չէ, պահանջում է հավաքագրման մի փոքր մեծ գումար նախատեսել, ելնելով նրանից, որ պայմանավորված վառելիքի գների բարձրացմամբ, գյուղի բնակչության թվի նվազմամբ և նման այլ հանգամանքներով կարճ ժամանակ անց ստիպված չլինեն գումարի չափը վերանայելու, ինչը կարող է դժգոհությունների տեղիք տալ: Ապահովության նկատառումներով առաջարկում է որոշակի մարժա թողնել:

Գյուղապետերի մեկնաբանությամբ՝ այդ դեպքում 5 հոգիանոց ընտանիքը ստիպված կլինի տարեկան նվազագույնը 15-20 հազար դրամ գումար վճարել աղբահանության համար:

«Մեկ հա հողի հարկը կազմում է 20-30 հազար դրամ ու, որպես կանոն, գյուղի 15-20%-ը այդ հարկը տարիներով չի վճարում: Հաճախ նմաններին անհրաժեշտ տեղեկանքները չենք տալիս, դատարանով վախեցնում ենք, որ այդ գումարները գանձենք, իմանալով հանդերձ, որ սրանց մի զգալի մասը իրոք չունեն, որ վճարեն: Աղբի վարձը մի նոր հարկատեսակ է դառնալու գյուղացու գլխին ու մեզ էլ, գյուղացուն էլ կրակը գցի: Մեկ-երկու տարուց մարզպետարանը ստիպելու է գյուղապետերին դատարան դիմել, համագյուղացիներին դատարաններ քարշ տալ աղբի չվճարած 60 հազար դրամի համար: Բայց սա խնդրի մի երևացող կողմն է: Եթե չկարողացանք ժողովրդից անհրաժեշտ գումարը հավաքել ու փոխանցել, ինչի հավանականությունը շատ մեծ է, ապա «Սանիտեքը» դադարեցնելու է աղբահանությունը, մյուս կողմից էլ՝ փողն ամբողջությամբ չփոխանցելու համար մարզպետարանից «զգուշացում» ենք ստանալու: Դրանից խուսափելու համար մի քանի գյուղացու անունով, որպես օգնություն, համայնքի բյուջեից գումար ենք դուրս գրելու և վերաձևակերպելով, որպես գյուղացուց հավաքագրված աղբահանության գումար, փոխանցելու ենք «Սանիտեքին»: Այլ ելք, միանշանակ, չկա: Մենք էլ գիտենք, որ այդպես է լինելու, մարզպետներն էլ: Աղբահանության գումարի մի մասը, այնուամենայնիվ, համայնքի բյուջեից ենք փոխանցելու, ուղղակի զարտուղի ճանպարհով: Ստացվում է, որ «Մաքուր Հայաստան»-ով մեզ մղում են անմաքուր գործարքների: Հանուն ինչի, չենք հասկանում»: Մարզպետարաններից մեկի աշխատակիցն էլ «նկատեց», որ միևնույն է, այդ գումարի մեծ մասը «այլ նպաստ» հոդվածով ձևակերպելու են սոցիալապես անապահով անձանց աջակցություն, և գյուղապետերը իրենց մարդկանց են «օգնելու», աղբահանության դեպքում գոնե գիտենք, որ մուծած հարկերի մի փոքր մասը գնում է համայնքի մաքրությանը:

Համայնքի ընտրյալ ավագանին որոշել է, որ բյուջեից հատկացում է արվելու աղբահանությանը, մինչդեռ մարզպետի բանավոր կարգադրությամբ՝ ավագանու որոշումը չեղյալ է համարվում: Էլ ինչ ինքնակառավարման մասին է խոսքը:

Ինչ վերաբերում է այս իրավիճակին՝ աղբահանությունը այն քիչ դեպքերից էր, երբ բյուջեի գումարները «ծառայում էին հավասարաչափ համայնքի բոլոր անդամներին»: «Մաքուր Հայաստան»-ով սխալը շտկվում է. զոռբաների, ագահների ու «լավերի» փոխարեն կվճարեն ազնիվներն ու խեղճերը: Իսկ թե դրանից երկիրը որքանով ավելի հարմարավետ կդառնա, պարզ կլինի այն լքողների քանակից:

Բաժիններ
Ուղիղ
Լրահոս
Որոնում