Իսրայելի վարչապետ Բենյամին նեթանյահուն այսօր կարճատև այցով կուղևորվի Մոսկվա՝ ՌԴ նախագահ Վլադիմիր Պուտինի հետ բանակցությունների համար։ Միակ համաշխարհային քաղաքական գործիչը, ով սերտ հարաբերություններ ունի ԱՄՆ-ի և Ռուսաստանի նախագահների հետ, շեշտը կդնի Իրանին համատեղ զսպելու գաղափարի վրա։
Վաշինգտոնում Kommersant-ի աղբյուրի տվյալներով, որը ծանոթ է Նեթանյահուի և Թրամփի զրույցի բովանդակությանը, ԱՄՆ-ը և Իսրայելն ակնկալում են համոզել Մոսկվային դադարեցնել իրանական ներկայության ընդլայնումը Սիրիայում՝ իսրայելական սահմանների մոտ։ Բացի այդ, ինչպես պարբերականին հայտնել է Ռուսաստանում Իսրայելի դեսպան Գարի Քորենը, չնայած պաշտոնական հայտարարություններին, Մոսկվան կիսում է անհանգստությունն Իրանի միջուկային ծրագրի առնչությամբ, ինչի հետ կապված Բենյամին Նեթանյահուն կփորձի համոզել Պուտինին աջակցելու ԱՄՆ-ի նախաձեռնած՝ 2015 թվականի միջուկային համաձայնագրի վերանայմանը։
Հանդիպումը կտևի 5 ժամ։ Երեկ, ելույթ ունենալով կառավարության նիստում, Նեթանյահուն հաստատել էր, որ բանակցությունների առանցքային թեմաներից մեկը կդառնա Սիրիան։