Լուրեր
Մարդիկ պաշտպանական «զոնա» չգտնելով, հավես չանելով ՀՀ քաղաքացի մնալ, զզված արտագաղթում են
  • 23:00
  • 2018-01-27
  • Դիտումներ՝ *

«Քաղաքացին նախ պետք է կրթվի, սովորի, որովհետև մենք հիմա նաև տեսնում ենք արխայիկ մտածողության հաղթարշավ: Եվ այս համակարգն էլ միայն Հայաստանին չի վերաբերում, Ռուսաստանում մոտավորապես նույնն է կատարվում, թեև այնտեղ ավելի արտահայտիչ ընդդիմադիր խմբեր կան, նույնը նաև Ադրբեջանում է կատարվում: Քաղաքացին նախ պետք է կրթվի, քանի որ հիմա ընկել է արխայիկ մտածողության գիրկը, սա համաշխարհային երևույթ է: Ամերիկացիներն էլ, երբ Թրամփին ընտրեցին, նույն արխայիկ մտածողության հիմունքներից էին ելնում: Գիտնականները հիմա քննարկում են պատճառները, թե ինչու է արխայիկ մտածողությունը հետ գալիս»,- «Առաջին լրատվական»-ի հետ զրույցում ասել է հրապարակախոս Գևորգ Տեր-Գաբրիելյանը:

Հրապարակախոսի խոսքերով՝ այս ամենը հաղթահարելու համար նախ և առաջ պետք է կրթական համակարգում քննադատական մտածողության ստեղծում, ինչը պաշտոնապես հնարավոր չէ անել, և պետք է անել ոչ ֆորմալ համակարգերի միջոցով:

«Այս իրավիճակում կա մեկ հնարավորություն՝ երբ պետությունը պետք է ընդունի ռեֆորմների փաթեթ, քաղաքացիական հասարակությունը պետք է դրան մասնակցի, թույլ չտա, որ չընդունեն, և հետո երբ ընդունեն, իրագործեն: Սա մենք տեսանք Ընտանեկան բռնության օրենքի հետ կապված: Մենք տեսանք, որ քաղաքական ուժերը չմասնակցեցին այդ դեբատին»,- ասաց Գևորգ Տեր-Գաբրիելյանը:

Հարցազրույցն ամբողջությամբ՝ տեսանյութում:

  • Դիտումներ՝ *