Հայ հոգևոր երգի անզուգական կատարող Լուսինե Զաքարյանի թանգարանի վերանորոգման աշխատանքը նախատեսվում է ավարտելմինչև հունիսի մեկը՝ երգչուհու ծննդյան օրը: Հենց այդ օրն էլ տեղի կունենա թանգարանի բացման հանդիսավոր արարողությունը:
Լուսինե Զաքարյանի և նրա ամուսնու՝ Խորեն Պալյանի մահից հետո Երևանի Կողբացի, 42 հասցեում գտնվող նրանց տունն անցել էր Պալյանի զարմիկներին, որոնք ժառանգած սեփականությունը թանգարանի վերածելու հարցում երկար տարիներ համաձայնության չէին գալիս:
Ինչպես տեղեկացրին ՀՀ մշակույթի նախարարության հասարակայնության հետ կապերի բաժնից՝ Զաքարյանի տունը թանգարանի վերածելու ցանկությունը կյանքի կոչելու հնարավորության մասին օրերս հայտարարել է մշակույթի նախարար Արմեն Ամիրյանը: Փոխնախարար Արև Սամուելյանի պարզաբանմամբ, հաջողվել է ընդհանուրհայտարարի գալ Լուսինե Զաքարյանի ու Խորեն Պալյանի՝ մի քանի ճյուղով ժառանգների հետ:
«Ուզում եմ ընդգծել և շնորհակալություն հայտնել Խորեն Պալյանի եղբորորդիներին, որոնք կարողացան լուծել այս խնդիրը: Արդյունքում Լուսինե Զաքարյանի տունը կվերածվիթանգարանի: Սա եղել է ոչ միայն հանրության և Մշակույթի նախարարության, այլև այդ հրաշալի զույգի՝ Լուսինե Զաքարյանի և Խորեն Պալյանի մեծ ցանկությունը: Մշակութային այսօջախը կունենա հիմնադրամ-թանգարանի կարգավիճակ:
Ցուցադրության գիտական հայեցակարգը կմշակի Եղիշե Չարենցի անվան գրականության և արվեստի թանգարանը: Բնակարանի վերանորոգումը ստանձնել է Րաֆֆի Պալյանը՝ Խորեն Պալյանի եղբորորդին:
Աշխատանքը հրաշալի առաջ է գնում»,-ասել է փոխնախարար Արև Սամուելյանը:
