«Կոռուպցիայի դեմ պայքարը պետք է սկսել առաջնորդից, այսինքն ամենավերևից, եւ իջնելով, տարածվել ամենուր»: 2009թ.-ին Հայաստան կատարած այցելության ընթացքում հայտարարել էր Սինգապուրի նախկին վարչապետ Լի Կուան Յուն՝ պատասխանելով հարցին, թե ինչպե՞ս է, որ 30 տարի առաջ Սինգապուրը Հայաստանի նման կոռումպացված երկիր էր, իսկ այժմ հակառակ պատկերն է:
ԼԻ Կուան Յուի բարեփոխումների շնորհիվ Սինգապուրի տարածքը 35 տոկոսով ավելացել է, իսկ ձեռք բերված հողերը ծառայում են ոչ թե ի շահ նախարարնեի և պաշտոնյաների այլ ժողովրդի:
«Եթե ճիշտ չկառավարես երկիրը, բոլոր խելացի մարդիկ կհեռանան», Սինգապուրի նախկին վարչապետի այս խրատը ոչ մի կերպ չեն ուզում հասկանալ մեր երկրի պաշտոնյաները:
«Ֆրիդմ Հաուս» իրավապաշտպան կազմակերպության ներկայացրած ցուցանիշը չի փոխվում ՝70 տոկոս երկրներում ավելի լավ է իրավիճակը, քան ՀՀ-ում:
Այս ցուցանիշի պատճառով նոյեմբերի 20-ին հրապարակվեց հազարամյակի մարտահրավերների գնահատման երկրների ցանկը եւ միայն կոռուպցիայի պատճառով Հայաստանը դուրս մնաց Հազարամյակի մարտահրավերների կողմից ֆինանսավորվող երկրների ցանկից:
Կոռուպցիայի դեմ պայքարը կարող է հասցնել մինչև քաղաքակրթության բոլորովին այլ մակարդակի, օրինակ՝.
Անցած տարի է 5.6 մլն մարդ բնակչություն ունեցող Սինգապուրում գրանցվել է հանցագործությունից զերծ 135 օր։
Այնտեղ խանութները չեն փակվում երկաթե դռներով և փականներով, դրա փոխարեն քաղաքը ողողված է տեսախցիկներով:
Եթե հայտնվեք Սինգապուրում հանկարծ չթքեք գետնին, դրա համար սպառնում է մինչ 5 տարվա ազատազրկում:
Մինչդեռ Սինգապուրում ոստիկանությունը պարապությունից չգիտի ինչ անել, մեր երկրում գողականն ու պատգամավորը փորձում ենք զատել իրարից:
Վանաձորն ու Գյումրին ամենակրիմինալ քաղաքի «տիտղոսը» դժգոհաբար շպրտում են մեկ-մեկու վրա, Սյունիքում փորձում են խլել այդ կարգավիճակը, դե իսկ մայրաքաղաքը լուռ ժպիտով հետևում է նրանց…
Իհարկե, աղոթելը այս դեպքում քիչ է, պետք է լուրջ քայլեր ձեռնարկել տիրող ամենաթողության վերջը տալու համար:
Որքան էլ զարմանալի թվա Հայաստանում էլ կա փոքրիկ Սինգապուր, Ջերմուկ քաղաքը:
Աչքով չտանք, բայց վիճակագրությունը ցույց է տալիս, որ վերջին կես տարվա ընթացքում Ջերմուկում ոչ մի հանցավոր դեպք չի արձանագրվել:
Ջերմուկի օրինակը հույս է ներշնչում որ մեր երկրում դեռ ամեն ինչ կորած չէ, հանցավորության դեմ կարելի է պայքարել , քանի որ մարդիկ իսկապես կարող են ապրել առանց օրենքի սահմանները հատելու:
Եկեք չհիշենք աշխարհի ամենակրիմինալ պետություններին , փոխարենը հիշեցնեմ՝.
Որպեսզի երկիրը կարողանա ապրել, հարկավոր է, որ իրավունքներն էլ ապրեն :
Պատիվն ու իրավունքը հաստատվում են բանականության, և ոչ թե զենքի միջոցով: