Ոստիկանության ՊՊԾ գունդը գրաված և մի շարք ծանր հանցագործությունների մեջ մեղադրվող «Սասնա ծռեր» խմբի անդամներից Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի, Թորոս Թորոսյանի գործով դատական նիստն այսօր սկսվեց դատավոր Արթուր Օհանյանի և ամբաստանյալների պաշտպանների միջև հերթական վիճաբանությամբ:
Խնդիրն այն էր, որ դատավորը երեք հանրային պաշտպանի էր հրավիրել, որովհետև նախորդ նիստերից մեկում ամբաստանյալները բոյկոտել էին նիստը (ի պաշտպանություն այս գործով մյուս ամբաստանյալներ Արմեն Բիլյանի և Սմբատ Բարսեղյանի, որոնք պահանջում են իրենց «Նուբարաշեն» ՔԿՀ-ից տեղափոխել «Արմավիր» ՔԿՀ,), առանց դատավորի թույլտվության՝ գնացել նիստերի դահլիճից և արժանացել սանկցիայի՝ նիստերի դահլիճից հեռացում մի քանի ժամով, իսկ այդ դեպքում պաշտպանի ներկայությունը պարտադիր է: