Շաքարի չափից դուրս գործածումը բացասաբար Է ազդում արյունատար համակարգի վրա և կարող Է հանգեցնել ներքնին օրգանների աշխատանքի խանգարման: Այս եզրակացությանն են հանգել Կոպենհագենի համալսարանի սննդագետները, նրանց աշխատանքը հրապարակել Է The Copenhagen Post-ը:
Հետազոտությանը մասնակցել են տղամարդիկ, որոնք օրական 225 գրամ շաքար են գործածել երկու շաբաթվա ընթացքում: Գիտափորձի սկզբում և վերջում բժիշկները կամավորների մոտ չափել են ոտքերի արյան մատակարարման մակարդակը:
Աշխատանքի արդյունքները ցույց են տվել, որ վերջույթներում արյան ստացումը 17 տոկոսով նվազել Է: Ըստ որում սննդագետները համոզված են, որ արյան անբավարար առհոսքից նաև տուժում են կարևոր ներքին օրգանները՝ ինչպես ուղեղը և սիրտը: Բժիշկներն ընդգծում են, որ չափազանց կարևոր Է հետևել, թե մարդն ինչ Է ուտում և խմում: «Ժամանակ առ ժամանակ կես լիտր կոլան ձեզ ոչ մի վնաս Էլ չի հասցնի, եթե դուք առողջ սնունդ եք գործածում և հավասարակշռված սննդակարգ ունեք»,- ասում Է հետազոտության համահեղինակ Յուլվա Հելսթենը:
«Սակայն, եթե դուք չարաշահեք շաքարը, ինչպես մեր փորձարկվողները, 14 օրվա ընթացքում ձեր արյան շրջանառությունը կհամապատասխանի այն բանին, ինչ մենք տեսնում ենք 65-ից բարձր տարիքի որոշ տղամարդկանց մոտ»,- ընդգծել Է պրոֆեսորը, հաղորդել Է ՌԻԱ Նովոստին:
