ԱՄՆ փոխնախագահ Մայքլ Փենսը հայտարարել է ԱՄՆ նախագահ Դոնալդ Թրամփի և նախկին պոռնոդերասանուհի Ստեֆանի Քլիֆորդի արտաամուսնական կապի մասին պնդումների անհիմն լինելու մասին։ ԶԼՄ-ների համապատասխան նյութերին նա նման գնահատական է տվել Associated Press գործակալության հետ հարցազրույցում։
Զրույցի ընթացքում Փենսն ընդգծել է, որ չի պատրաստվում մեկնաբանել նախագահի հասցեին վերջին անհիմն մեղադրանքները, երբ նրան հարց է ուղղվել Թրամփի և Քլիֆորդի կապերի մասին։
Ավելի վաղ The Wall Street Journal պարբերականը հայտնել էր, որ նախկին պոռնոդերասանուհուն 2016-ի նոյեմբերին կայացած ԱՄՆ նախագահական ընտրություններից մեկ ամիս առաջ մոտ 130 հազար դոլար էր վճարվել լռության համար, որպեսզի նա չբարձրաձայնի 2006 թվականի ամռանը Թրամփի հետ իր ինտիմ հանդիպման մասին։
