Խանութի տիրոջ խոսքերով՝ ռոբոտը չէր կարողանում խորհուրդներ տալ գնորդներին և անհաջող կատակներ էր անում։
Ճապոնական SoftBank կազմակերպության կողմից նախագծված Pepper ռոբոտը հեռացվել է իր առաջին աշխատավայրից։ Margiotta Food & Wine մթերային խանութը՝ Էդինբուրգում, հանել է ռոբոտին առևտրի սրահից՝ տեղադրելուց մեկ շաբաթ անց, – հաղորդում է Digital Trends–ը։
Ռոբոտը չէր կարողանում օգնել հաճախորդներին ապրանք ընտրելիս։ Օրինակ չի կարողացել ճիշտ ցույց տալ, թե որտեղ է գտնվում այս կամ այն ապրանքը։ «Որտեղի՞ց կաթ գնել» հարցին ռոբոտը պատասխանել է «կաթնամթերքի բաժնից»։
Խանութի տիրոջ խոսքերով, նա ոչ միայն կոմպետենտ չի եղել, այլ նաև վատ է լսել, երբ դիմել են իրեն։ Բացի այդ խանութի տիրոջը դուր չի եկել, թե ինչպես է նա կատակում։