Հյուսիսային Կարոլինայի բնակչուհի Շիա Իրվունդը կյանքում ծանր ժամանակաշրջաններ է ունեցել, սակայն չի կոտրվել, և այժմ նա մի ամբողջ բիզնես է կառուցել։
Նա մազեր հյուսել կարողացել է 7 տարեկանից, և այդ ամենը՝ շնորհիվ տատիկի։ Հետո նրա տատիկը վթարի է ենթարկվել և ծանր վնասվածքների պատճառով չի կարողացել ձեռքերը վեր բարձրացնել և շարժել։ Շիան օգնել է նրան հյուսել մազերն այնպես, ինչպես տատիկն արել է նախկինում։
Տարիներ անց Շիան ամուսնալուծվել է տղամարդուց, ումից լույս աշխարհ էր բերել 2 երեխաների։ Երեխաներին չկիսելու և նրանց տրավմա չհասցնելու համար, նախկին ամուսինները միմյանց համար կանոններ են սահմանել։
Որոշ ժամանակ անց տղամարդը սկսել է գանգատվել, թե նախկին կինը խախտում է կանոնները։ Նա դիմել է ոստիկանություն, խլել որդուն և թույլ չի տվել մորը տեսնվել նրա հետ։ Շիայի լուսանկարը հայտնվել է Հյուսիսային Կարոլինայի ոստիկանության թվիթերյան էջում, սակայն էջի բաժանորդներն ուշադրություն են դարձրել ոչ թե «հանցագործի» կարգավիճակին, այլ նրա սանրվածքին՝ խնդրելով իրենց էլ այդպես հարդարել։