«ԱրմենՏել» ընկերությունը (ապրանքանիշը Beeline) հայտարարում է Beeline Blade բրենդավորված սենսորային սմարթֆոնի վաճառքի մեկնարկի մասին: Սմարտֆոնի արժեքն է 94 000 դրամ, այն կարելի է ձեռք բերել Beeline վաճառքի և սպասարկման գրասենյակներում: Այս մասին ասվում է ընկերության տարածած հաղորդագրության մեջ:
Beeline Blade սմարթֆոնն աշխատում է Android օպերացիոն համակարգի 2.2 տարբերակի հիման վրա: Հեռախոսը գործարկվել է 2010թ-ին: Այն հագեցված է 3.2-միգապիքսել տեսախցիկով` տեսանկարահանման հնարավորությամբ: Հեռախոսասարքն աշխատում է GSM, 3G և HSDPA ցանցերում, չափերն են` 116×56.5×11.8մմ, քաշը` 130գր.:
Սմարթֆոնի` AMOLED տեխնոլոգիայի հիման վրա Էկրանի չափը 3.5 դյույմ է` 480×800 պիքսել: Կապի հնարավորության համակարգերն են` WAP, GPRS, EDGE, WiFi, Bluetooth, 3G, GPS: Հեռախոսը նաև հնարվորություն ունի ձևափոխել 3G-ինտերնետ ազդանշանը WiFi ազդանշանի, որից կարող են օգտվել այլ սարքեր: Հեռախոսի հիշողությունն է 150 Մբ, որը հնարավոր է Micro-SD հիշողության քարտերի միջոցով ավելացնել մինչև 32 ԳԲ: Սմարտֆոնն ունի mp3-նվագարկիչ և FM ռադիո: Beeline Blade սմարտֆոնի երաշխիքային ժամկետն է 1 տարի:
««ԱրմենՏել» ընկերությունը շարունակում է ընդլայնել բրենդավորված հեռախոսների տեսականին` նոր արդիական և բազմաֆունկցիոնալ սմարթֆոնով: Համոզված եմ, որ նոր բջջային հեռախոսն իր մատչելիության և հնարավորությունների շնորհիվ հայաստանյան շուկայում մեծ ճանաչում կունենա: Մեր բաժանորդներն, օգտագործելով նոր հեռախոսը, կարող են լիովին վայելել կապի միասնական օպերատորի ծառայությունների որակը և զանազանությունը», – նշեց «ԱրմենՏել» ընկերության Գլխավոր տնօրեն Իգոր Կլիմկոն:
Մանրամասները կարելի է ստանալ Beeline վաճառքի և սպասարկման գրասենյակներում, ինչպես նաև www.beeline.am կայքում: