ՀՀԿ-ում այլընտրանքներ չկան, Սերժ Սարգսյան, թե Կարեն Կարապետյան, այլընտրանք չեն, երկուսն էլ ուզում են պահպանել արատավոր վիճակը։
Տարին, ինչպես և սպասվում էր, սկսվել է բավական թեժ զարգացումներով։ Սերժ Սարգսյանի տասնամյա նախագահության ավարտը, նոր նախագահի, ապա վարչապետի ընտրությունը մի կողմից, հունվարի մեկից մոլեգնող թանկացումները՝ մյուս կողմից, տարբեր փորձագետների գնահատմամբ՝ երկրում կարող են սոցիալական պայթյունի պատճառ դառնալ։ Իրավիճակի համար պատասխանատվությունը, ըստ շատ վերլուծաբանների՝ իշխանության հետ հավասարապես կիսում է նաև ընդդիմությունն ու հասարակությունը։ Էական մյուս հարցը նա է, որ երկրում սոցիալական բողոքը ձևակերպող քաղաքական խողովակներ չկան, դրանք մնում են այն քաղաքական և քաղաքացիական ուժերի վրա, որոնք այդպիսի չակերտների մեջ մանդատ չունեն։ Այս և կարևոր այլ խնդիրների շուրջ զրուցել ենք սոցիալիստ, հրապարակախոս Արա Նեդոլյանի հետ։