Սիրիական Աֆրինում Անկարայի ռազմական օպերացիայի կապակցությամբ ՄԱԿ–ի Անվտանգության Խարհրդի արտահերթ նիստ հրավիրելու Ֆրանսիայի մտադրությունը խոսում է ահաբեկիչների հետ երկրի մտերմության մասին։
Այս մասին կիրակի օրը հայտարարել է Թուրքիայի ԱԳՆ ղեկավար Մեվլյութ Չավուշօղլուն։ Նա ընդգծել է, որ Թուրքիան օրինաչափ չի համարում «Ձիթապտղի ճյուղ» օպերացիայի թեման ՄԱԿ–ի ԱԽ–ի նիստում քննարկման դնելը։
«Եթե Ֆրանսիան կամ մեկ այլ երկիր այս թեման դնի ՄԱԿ Անվտանգության Խորհրդի քննարկմանը, նա կհայտնվի ահաբեկիչների կողքին կանգնած երկրների վիճակում»,– ասել է Չավուշօղլուն։
Ինչպես ավելի վաղ հաղորդվել էր՝ Ֆրանսիան պահանջում է ՄԱԿ–ի Անվտանգության խորհրդի արտահերթ նիստ գումարել՝ Սիրիայում Թուրքիայի ռազմական օպերացիայի վերաբերյալ։
