37-ամյա Քիմ Քարդաշյանը և 40-ամյա Քանյե Ուեսթը շարունակում են իրենց երեխաներին արտառոց անուններով կնքելու ավանդույթը: Ծնողներն արդեն դաստիարակում են 4-ամյա Նորթին և երկամյա Սեյնթին, այժմ արդեն նրանք ունեն փոքրիկ քույր, որին անվանել են Չիկագո քաղաքի պատվին:
Աստղի ընտանիքի երկրպագուները և սոցցանցերի օգտատերերը մինչ այժմ քննարկում են նորածին փոքրիկի անունը: Նրանք չեն կարողանում հասկանալ, թե ինչպես են որոշել փոքրիկին կնքել այդ անվամբ, որը, ոմանց կարծիքով, ավելի շատ հեռուստաշոուի անվանում է: «Չիկագո Ուեսթ՝ հնչում է ինչպես շոու, որն առաջին սեզոնից հետո փակվել է վատ վարկանիշի պատճառով»,- գրում են օգտատերերը:
Այնուամենայնիվ, անվան ընտրությունը իր բացատրությունն ունի. Քանյե Ուեսթը տեղափոխվել է «Քամիների քաղաք», երբ նրա մայրը ամուսնալուծվել էր ամուսնուց: Այնտեղ է ռեփերն անցկացրել իր մանկությունը և մեծացել: Չիկագո Ուեսթը ոչ միայն հարգանքի նշան է այդ հիշարժան վայրի, այլև իր հանգուցյալ մոր՝ Դոնդայի հանդեպ: