Թուրքիայի Զինված ուժերի գլխավոր շտաբի պետ Հուլուսի Աքարը հեռախոսային բանակցություններ է վարել Ռուսաստանի ԶՈՒ գլխավոր շտաբի պետ Վալերի Գերասիմովի և ԱՄՆ ԶՈՒ շտաբների պետերի կոմիտեի ղեկավար Ջոզեֆ Դանֆորդի հետ, որի ընթացքում քննարկվել է սիրիական Աֆրինում գործողությունը: Այս մասին ասվում է թուրքական ռազմական գերատեսչության տարածած հաղորդագրության մեջ:
Նշվում է, որ բանակցություններն անցկացվել են «Ձիթենու ճյուղ» գործողության մեկնարկից առաջ:
Ավելի վաղ Թուրքիայի Գլխավոր շտաբը հաղորդել է, որ Թուրքիայի ԶՈՒ-ն սիրիական Աֆրինում սկսել է «Ձիթենու ճյուղ» գործողությունը:
Նշվում է, որ գործողությանը ներգրավված են Թուրքիայի ռազմաօդային ուժերի F-16 ինքնաթիռները, որոնք թուրք-սիրիական սահմանին ավիահարվածներ են հասցնում PYD ահաբեկչական կազմակերպության դիրքերին: