Amnesty International իրավապաշտպան կազմակերպությունը բողոք է արտահայտել ընդդեմ սարսափելի դեպքի, որը տեղի է ունեցել իրանական Մեշհեդում։ Տեղի դատարանը տղամարդուն, ով մեղադրվել է անասնագողության մեջ, դատապարտել է ձեռքի կտրման։ Տեղի ԶԼՄ-ների հաղորդմամբ՝ վճիռը կայացվել էր դեռևս 6 տարի առաջ, սակայն դրա իրագործումը հետաձգվել էր բողոքարկումների պատճառով։
Դատավճիռն իրագործվել է գիլյոտինի օգնությամբ, որից հետո տղամարդուն տեղափոխել են հիվանդանոց։
Իրավապաշտպանների կարծիքով՝ այդ դեպքը հանդիսանում է անհավանական դաժանության, և ըստ էության, կտտանքների կիրառման օրինակ։
«Կտտանքներն արգելված են միջազգային իրավունքով, այդ թվում Քաղաքացիական և քաղաքական իրավունքների միջազգային պակտով, որին միացել է Իրանը։ Նման դաժանությունը չի կարելի արդարադատություն անվանել։ Դա վկայում է այն մասին, որ Իրանի իշխանությունները բացարձակապես հաշվի չեն նստում մարդկային արժանապատվության հետ։ Քրեական պատիժների նորմալ համակարգում դրա համար տեղ չկա»,-ասվում է Amnesty International-ի հայտարարությունում։
