Իտալիայում դատարանը տուգանել է երկրի փոստային ծառայությանը 28 հազար եվրոյով՝ հեռագիրը ժամանակին տեղ չհասցնելու համար։ Ինչպես հայտնում է սպառողների իտալական Confconsumatori ասոցացիան, հեռագրի ուշացման պատճառով կենտրոնական Պարմա նահանգի բնակչուհին աշխատանքի հնարավորություն է կորցրել։
Ինչպես հայտնել են կազմակերպությունում, իտալուհին դատարան է դիմել, երբ չի հասցրել մասնակցել մրցույթին այն բանից հետո, երբ հարցազրույցի հրավերով հեռագիրն իրեն է հասել չափազանց ուշացած։
Որպես փոխհատուցում նրան առաջարկվել է 28 եվրոյի չափով ստանդարտ դրույքաչափ, սակայն դա նրան չի բավարարել, և իտալուհին որոշել է դիմել փաստաբաններին։ Կինը հայցում նշել է սիրելի աշխատանքից զրկվելու և դրա հետևանքով ֆինանսական կորուստների մասին։
Դատարանը ոչ միայն ճանաչել է վնասը՝ կորցրած հնարավորության արդյունքում, այլև դրանով իսկ ստեղծել նախադեպ՝ ապագայում նման վեճերի կարգավորման համար, հայտնում է Le Repubblica-ն։