Երբ Ջեյմի Դանիելը ծնվել է, բժիշկները նրան նույնիսկ վերակենդանացման բաժանմունք չեն տարել. Նրանք վստահ էին, որ ուղեղի ճողվածքով տղան ապրելու շանսեր չունի։ Այդուհանդերձ, նա օրերս տոնել է ծննդյան 10-ամյակը, հայտնում է Daily Mail-ը։
Ուորիքշիրի բնակիչ հանդիսացող տղան լույս աշխարհ էր եղել 2008 թվականի հունվարի 11-ին։ Բժիշկները վստահ էին, որ տղան 1 ժամվա ընթացքում կմահանա, սակայն նա շարունակեց ապրել և նույնիսկ ավելացնել քաշը։ Մեկ շաբաթ անց նրան երկվորյակ քրոջ հետ տուն ուղարկեցին։
Չնայած այն բանին, որ Ջեյմին հուսահատ կերպով պայքարել է կյանքի համար, նրա ուղեղի արտաքին մասը սկսել է չորանալ։ Բժիշկները կնոջը նախազգուշացրել են, որ ուղեղի վիրահատությունը կապված է բարձր ռիսկի հետ, սակայն այլ ընտրություն չի եղել։ Չնայած բժիշկների մտավախություններին՝ վիրահատությունը հաջող է անցել, և 7 շաբաթ անց Ջեյմին տուն է վերադարձել։ Այդուհանդերձ, բժիշկներին չի հաջողվել կարգավորել նրա բոլոր խնդիրները, նրա մոտ առկա է տեսողական խնդիր, ուղեղի կաթված։