ԱՄՆ Կոնգրեսի Ներկայացուցիչների պալատը հրաժարվել է աջակցել ԱՄՆ նախագահ Դոնալդ Թրամփի իմփիչմենթի գործընթաց սկսելու՝ Տեխասից դեմոկրատ կոնգրեսական Էլ Գրինի նախաձեռնությանը: Այս մասին հայտնում է Associated Press-ը:
Հաղորդվում է, որ Թրամփի իմփիչմենթի մասին բանաձևին «կողմ» է քվեարկել 66 կոնգրեսական, դեմ՝ 355:
Էլ Գրինը նախաձեռնությունը քվեարկության էր դրել՝ Թրամփին մեղադրելով «ատելություն և թշնամանք» հրահրելու մեջ աֆրիկյան երկրների մասին նրա արտահայտություններից հետո:
Հիշեցնենք՝ ավելի վաղ Դոնալդ Թրամփը, խոսելով միգրանտների մասին, աֆրիկյան մի շարք երկրների վերաբերյալ օգտագործել է «աղբ-երկրներ» արտահայտությունը: