Անգլիացի սթրիթ-արթ-նկարիչ, վանդալ Բեն Այնը 17 500 քմ-անոց նկար է ստեղծել Լոնդոնում: Այս մասին հայտնում է The Independent-ը:
Մեծ գրաֆիթին մի քանի անգամ կրկնվող մեկ Create («Ստեղծիր») բառն է՝ գրված բազմագույն տառերով: Նկարչից 500 ժամ է պահանջվել աշխատանքն ավարտելու համար:
Ստեղծագործության համար ծախսվել է 2 850 լ ներկ, որը խառնելու համար օգտագործվել է 200-լիտրանոց վաննա: Այնին օգնել են 30 կամավորներ և 6 նկարիչներ:
Նշվում է, որ նկարն ամբողջությամբ տեսնել կհաջողվի միայն թռչնի թռիչքի բարձրությունից: Հետևելու համար՝ արդյոք ճիշտ է պահպանվում համամասնությունը նկարելիս, Այնը գործընթացին դրոններով է հետևել: