Ամերիկուհի Էսենս Էվանսը որոշել է բնակարանի վարձ գանձել իր հնգամյա աղջկանից։ Այս մասին հաղորդում է The Independent –ը։
Ջորջիա նահանգի բնակչուհին Facebook-ի իր էջում դստեր դաստիարակության մասին հաղորդագրություն է հրապարակել։ Նրա խոսքերով՝ ամեն շաբաթ նա իր դստերը 7 դոլար է տալիս, որից հինգը այնուհետև աղջիկը պետք է վերադարձնի որպես վարձավճար։ Իր արարքը նա երեխային բացատրել է նրանով, որ մեծերը ամենից շատ գումար ծախսում են վարձերի վրա, և շատ քիչ՝ իրենք իրենց վրա, դրա համար էլ նա պետք է հինգ դոլարը վերադարձնի իրեն՝ մեկական դոլար տան վարձակալության, ջրի, էլեկտրականության, հեռուստատեսության և ուտելիքի համար։ Մնացած գումարով նա կարող է անել ինչ ուզում է։
Կինը նշել է, որ աղջկա կողմից վճարված գումարը նա դնում է աղջա համար բացված հաշվեհամարին, որը նա կկարողանա օգտագործել տասնութ տարին լրանալուն պես։ Եթե այդ ժամանակ նա որոշի առանձնանալ մորից, իր հաշվին 3380 դոլար կունենա։
Սոցցանցի օգտատերերի մեծ մասը հավանության են արժանացրել ամերիկուհու գաղափարը, սակայն մեկնաբանողներից ոմանք հայտարարել են, որ «երեխաները պետք է երեխա մնան» և չմտածեն վարձերի ու հաշիվների մասին։
