Լուրեր
Սեֆիլյանն ու Սաֆարյանը կրկին բոյկոտել են դատական նիստը
  • 20:17
  • 2018-01-19
  • Դիտումներ՝ *

«Ժիրայր Սեֆիլյանի և մյուսների գործով» դատական նիստում այսօր լրացավ ամբաստանյալներից Ժիրայր Սեֆիլյանի և Գևորգ Սաֆարյանի սանկցիայի ժամկետը, և նրանք բերվեցին նիստերի դահլիճ: Ժիրայր Սեֆիլյանը, սակայն, կրկին հայտարարեց, որ բոյկոտում է նիստը և հեռանում, քանի դեռ իր ընկերների՝ «Սասնա ծռերի» գործով ամբաստանյալներ Արմեն Բիլյանի և Սմբատ Բարսեղյանի՝ «Նուբարաշեն» ՔԿՀ-ից «Արմավիր» ՔԿՀ տեղափոխվելու պահանջը չի կատարվել:

Դատավոր Տաթևիկ Գրիգորյանը Սեֆիլյանին չթույլատրեց հեռանալ, սակայն Սեֆիլյանը լքեց նիստերի դահլիճը: Դատավարական կարգը խախտելու համար դատավորը նրան կրկին՝ մի քանի ժամով հեռացրեց նիստերի դահլիճից: «Մենք ենք որոշում՝ մասնակցե՞լ դատական նիստին, թե՞ ոչ: Դա մեր իրավունքն է»,-իր հերթին հայտարարեց ամբաստանյալներից Գևորգ Սաֆարյանը և ասաց, որ ևս միանում է Սեֆիլյանի բոյկոտին:

  • Դիտումներ՝ *