ՀՀ ԱԻՆ հասարակայնության հետ կապի եւ լրատվության վարչությունից փոխանցում են, որ Վրաստանի ՆԳՆ ԱԻ գործակալությունից եւ ՌԴ ԱԻՆ Հյուսիսային Օսիայի Հանրապետության գլխավոր վարչությունից ստացված տեղեկատվության համաձայն, Ստեփանծմինդա-Լարս ավտոճանապարհը ժամը 18:50-ի դրությամբ փակ է բոլոր տեսակի տրանսպորտային միջոցների համար:
Հունվարի 19-ին՝ ժամը 10:30-ին ՌԴ ԱԻՆ Հյուսիսային Օսիայի ՃԿԿ-ից ստացված տեղեկատվության համաձայն ռուսական կողմում կա կուտակված 124 բեռնատար:
Իսկ Հայաստանում դժվարանցանելի է Սոթք-Քարվաճառ ավտոճանապարհը:
Կոտայքի մարզում եւ Ապարան-Ծիլքար ավտոճանապարհին տեղ-տեղ առկա է մերկասառույց:
ՀՀ տրանսպորտի, կապի եւ տեղեկատվական տեխնոլոգիաների նախարարության լրատվական ծառայությունն էլ տեղեկացնում է, որ հունվարի 19-ին՝ ժամը 17:30-ի դրությամբ, Ապարանի ավտոճանապարհներին եւ Տիգրանաշենի լեռնանցքում ձյուն է տեղում:
Բքի եւ անբավարար տեսանելիության պատճառով Վարդենյաց լեռնանցքը փակ է:
