Թուրքիան առանց վարանելու ռազմական գործողություններ կսկսի Աֆրինում և ամբողջովին կոչնչացնի ահաբեկիչներին,– հայտարարել է Թուրքիայի պաշտպանության նախարար Նուրեթին Ջանիկլին։ Նրա խոսքերով՝ Թուրքիայի համար սպառնալիքը օրեցօր աճում է։
«Թուրքիան պարտավոր է ապահովել իր քաղաքացիների և սահմանների անվտանգությունը»,– ասել է Ջանիկլին։
Հիշեցնենք, որ նախօրեին Թուրքիայի օդային ուժերը Աֆրինում կրակահերթ են բացել PYD և YPG դիրքերի վրա, ինչի արդյունքում, նախնական տվյալներով, ոչնչացվել է ավելի քան երեսուն ահաբեկիչ։
Ավելի վաղ Թուրքիայի փոխվարչապետ Բեքիր Բոզդագն ասել էր, որ ԱՄՆ–ն բացեիբաց աջակցում է Սիրիայում ահաբեկչական PYD և YPG կազմակերպություններին։
Նրա խոսքերով՝ ԱՄՆ գործողությունները չեն համապատասխանում Վաշինգտոնի և Թուրքիայի դաշնակցական հարաբերությունների ոգուն։