37-ամյա Քրիստինա Ագիլերայի հայտնվելը Ստելլա Մաքարտնիի նոր հավաքածուի ցուցադրմանը գրավել է հյուրերի հատուկ ուշադրությունը։ Երգչուհին, սև վերարկու–շորով, շատ յուրօրինակ և ոճային տեսք է ունեցել։ Սակայն ներկաները ուշադրություն են դարձրել այն հանգամանքին, որ նրա գոտկատեղը զգալիորեն կլորացել է։ Նրա շրթունքներն էլ ավելի ուռած են եղել, ինչպես դա լինում է սովորաբար հղիների մոտ։ Այս ամենը ստիպել է ենթադրել, որ Ագիլերան սպասում է իր արդեն երրորդ երեխային։
Իր առաջնեկին՝ Մաքսին, Քրիստինան ունեցել է 2008–ին։ Նրա հայրը երգչուհու նախկին ամուսինն է՝ պրոդյուսեր Ջորան Բրատմանը, ում հետ նա ապրել է հինգ տարի և բաժանվել է 2010-ին։ Իր երկրորդ երեխային՝ աղջկան, նա ունեցել է 2014-ին՝ իր բոյֆրենդից՝ Մեթյու Ռեթլերից, որի հետ սկսել էր հանդիպել Բրատմանից բաժանվելուց անմիջապես հետո։
2017-ի դեկտեմբերին լուրեր տարածվեցին, որ Ագիլերան և Ռեթլերը իբր գաղտնի հարսանիք են արել Վենետիկում։ Սակայն Քրիստինան այդպես էլ չհաստատեց այս լուրերը և ոչ էլ չժխտեց դրանք։
