20 հանրապետական կոնգեսականներից կազմված խումբը հինգշաբթի ԱՄՆ Կոնգրեսի Ներկայացուցիչների պալատի դիտարկմանն է ներկայացրել օրինագիծ՝ Իրանի դեմ պատժամիջոցների կրկնակի սահմանման պայմանների մասին, որոնք չեղարկվել էին ավելի վաղ՝ Գործղությունների համատեղ համապարփակ պլանի իրագործման շրջանակում։ Այս մասին ասվում է նախաձեռնության հեղինակի՝ ստորին պալատում Իլինոյս նահանգի անդամ Փիթեր Ռոսկամի կայքում։
Համաձայն տեքստի՝ միջոցառումները, որոնց գործողությունը դադարեցվել էր 2016 թվականի հունվարին, կրկին գործողության մեջ կմտնեն, եթե Իրանը շարունակի միջուկային մարտագլխիկ կրելու ունակ բալիստիկ հրթիռների մշակումն ու փորձարկումները կամ ստեղծի ենթակառուցվածք՝ հրազենային ուրանի կամ պլուտոնիումի արտադրության համար։ Բացի այդ, պատժամիջոցների սահմանման առիթ կհանդիսանան խոչընդոտները միջուկային և ռազմական օբյեկտներում (ներառյալ չծրագրված) միջազգային ստուգումների անցկացման համար։
Օրինագիծը պարտավորեցնում է ԱՄՆ նախագահին յուրաքանչյուր 90 օրը մեկ ծանուցել կոնգրեսին այն մասին, որ Թեհրանը չի ստեղծում միջուկային զենք և հրթիռներ, ինչպես նաև թողնում է տեսուչներին իր օբյեկտներ։ Եթե պետության ղեկավարը դա չանի, դադարեցված պատժամիջոցային ռեժիմը կրկին գործի կդրվի։
Թրամփը հունվարի 12-ին հայտարարել էր, որ երկարացնում է իրանական պատժամիջոցների սառեցման ռեժիմը վերջին անգամ՝ հայտարարելով իրանական համաձայնագրի լրամշակումների վրա եվրոպացի գործընկերների հետ աշխատելու ԱՄՆ-ի մտադրության մասին։