ԱՄՆ նախագահ Դոնալդ Թրամփը հունվարի 20-ին կնշի երդմնակալության առաջին տարին։ Արարողությունը կանցկացվի Ֆլորիդայի Mar-a-Lago սեփական կալվածքում՝ զույգի համար 100 հազար դոլար արժողությամբ տոմսերով։
Համաձայն հրավերի՝ այդ գումարի մեջ կմտի մասնակցությունը ճաշին և նախագահի հետ լուսանկարվելու հնարավորությունը։ 250 հազար դոլարով զույգը կարող է մասնակցել նաև կլոր սեղանին։ Այս մասին հայտնում է Bloomberg գործակալությունը։
Միջոցառումը կազմակերպել են Ռոննա Ռոմնի ՄաքԴանիելը՝ Հանրապետական կուսակցության Ազգային կոմիտեի նախագահը, և խաղատնային մագնատ Ստիվ Ուայնը։ Միջոցառումից ստացված միջոցները կուղղվեն Թրամփի նախագահական արշավին և կուսակցության Ազգային կոմիտեին։
Թրամփը ցանկանում էր նոյեմբերին տոնել Հիլարի Քլինթոնի նկատմամբ տարած հաղթանակի մեկ տարին, սակայն այդ ժամանակ Ասիայում շրջագայություն կատարելիս է եղել։