Դաշնակահարուհու նախկին ներկայացուցիչը գտնում է, որ նա շատ է խաբել հանրությանը։ Էլինա Մազուրը դադարեցրել է Վիտալինայի հետ աշխատանքը և այժմ չի թաքցնում, թե ինչպես է անցել իրենց համագործակցությունը։ Նրա խոսքերով Ցիմբալյուկ–Ռոմանովսկայան սպասել է Ջիգարխանյանի մահանալուն։ Վերջերս Մազուրն ու Վիտալինան թշնամաբար բաժանվել են։ Հիմա արդեն Էլինան նախընտրել է խախտել լռությունը և պատմել, թե ինչպես էր Վիտալինան խոսում ամուսնու մասին։
«Մի քանի անգամ Վիտալինան իմ ներկայությամբ ասել է. «Երբ է նա մեռնելու», ես կարծում էի, թե դա խելահեղ սեր է։ Սթափվեցի, արժեքների վերագնահատում կատարվեց։ Այժմ ես չեմ կարող նրան պաշտպանել, որքան էլ որ տարօրինակ դա հնչի»,– հայտարարել է Մազուրը։ Մազուրի խոսքերով՝ սկզբում նա որոշել է օգնել երիտասարդ կնոջը, քանի որ նա վարկերի պարտքեր է ունեցել։ Սակայն հետագայում պարզվել է, որ ֆինանսական առումով նրա մոտ ամեն ինչ կարգին է։ Մազուրը չի բացառում, որ դաշնակահարուհին իրոք որոշ միջոցներ գողացել է Ջիգարխանյանից, սակայն ապացուցել դա չի կարող։
«Կարող եմ ասել, որ Վիտալինան լավ դիվանագետ է, միշտ խուսափում է կոնկրետ ձևակերպումներից։ Բայց իմ առջև նա հստակ խնդիր էր դրել. Արմեն Բորիսովիչին հեռացնել իր անձնական կյանքից և իրեն թողնել ամբողջ ունեցվածքը։ Դա էլ ես արել եմ»,– հաղորդել է Էլինան։