«Այս շաբաթ երկու հոդված է լույս տեսել, որտեղ նոր մանրամասներ են ի հայտ գալիս պոռնոաստղ Ստեֆանի Քլիֆորդի հետ Թրամփի ունեցած հարաբերությունների մասին, ում, ըստ լուրերի, 2016-ի ընտրություններից առաջ 130 հազար դոլար են վճարել լռության համար»,– գրում է Մայա Սալամը՝ New York Times-ում։
«Լրագրող Ջեկոբ Վայսբերգին Քլիֆորդը պատմել է, որ իր փաստաբան Քեյթ Դեվիդսոնը, ով տարբեր պոռնոաստղերի և դերասանների շահեր է ներկայացրել, պայմանավորվել է 130 հազար դոլարանոց գործարքի մասին՝ Թրամփի փաստաբան Մայքլ Կոենի հետ»,– տեղեկացնում է հեղինակը։ Վայսբերգն ասել է, որ կինը կիսվել է այս մանրամասներով, քանի որ Թրամփը նրան դեռևս չի վճարել և չի ձևակերպել գաղտնիության մասին համաձայնագիրը։ Լրագրողն ավելացնում է, որ The Wall Street Journal-ը ուրբաթ օրը հոդված է հրապարակել, որտեղ հաղորդվում է, որ վճարը իրականացվել է։
Թրամփի փաստաբանը չորեքշաբթի օրը էլեկտրոնային փոստով հայտարարել է. «Սա վերջին նորությունները չեն։ Սրանք հին նորություններ են, որոնք և այն ժամանակ էին կեղծ, և հիմա»։ «Նրանք ընդամենը տարածել են հին, շահարկված նորությունը, որը Քլիֆորդը հերքել էր 2011-ին, 2016–ին և 2018–ին»,– նշել է Կոենը։