Ֆրանսիական կինոյի լեգենդ, 83-ամյա Բրիժիտ Բարդոն գործընկերուհի Քեթրին Դենյովի օրինակով դեմ է հանդես եկել #MeToo ցանցային արշավին՝ հայտարարելով. «Դերասանուհների մեծ մասը, ովքեր հրապարակավ իրենց սեռական ոտնձգություննեի զոհ են հայտարարել, իրականում գովազդում են իրենց»։
Նրանց բողոքները Բարդոն անվանել է «կեղծավոր և ծիծաղելի», փոխանցում է Paris Match պարբերականը։
«Նրանց մեծ մասն ինքն է գայթակղել պրոդյուսերներին՝ դեր ստանալու համար»,-ասել է դերասանուհին, ով 1956 թվականին սեքս խորհրդանիշ էր դարձել «Եվ Աստված ստեղծեց կնոջը» ֆիլմի թողարկումից հետո։
Բարդոն 1973 թվականից դադարել է նկարահանվել կինոյում և նվիրել է իրեն կենդանիների իրավունքների պաշտպանությանը։
