Google ընկերությունը հնարավորություն է տվել նկարել Google eBookstore-ից գնված գրքերում: Այս մասին ասվում է Inside Google Books բլոգում: Օգտատերերը կարող են նրանցում նկարել, եթե դրանք արդեն գնված են: Նկարելը սկսելու համար անհրաժեշտ է բացել գիրքը, սեղմել Doodle Mode էկրանի վերին աջ անկյունում: Նկարները, սակայն, չեն պահպանվում, գիրքը նորից բացելիս օգտատերը տեսնում է մաքուր էջ:
Այս հնարավորությունը հասանելի է դեռևս միայն ԱՄՆ բնակիչներին բոլոր տիպի բրաուզերներով (բացի Internet Explorer-ից) և Safari բրաուզերով iPad պլանշետային համակարգչով:
Տեղեկացնենք նաև, որ eBookstore ինտերնետ խանութը գործում է 2010 թ. դեկտեմբերից: Բացի վճարովի գրքերից, այստեղ կան նաև անվճարները, և դրանցից կարող է օգտվել ցանկացած օգտատեր՝ անկախ բնակության վայրից:
